مليونية الجراد

يكتبها : عصام بدر الدين

أنا قلت لك الراجل ده غشيم  
                              هيضيع بلدنا ويقتل ولادنا وفكره عقيم
كان دكتور معادن وعاوز يهادن
                               ويقضيها مدة ويبيع الأونطة ومش مستقيم
وواخدها جوله عاملها مقاوله مش فاكرها دوله
                               وغاوي مزاولة مش قاصد كريم
يطلّع قرار من دولة بزنطة ويعديه أونطه
                               يلغيه بالنهار.. فتاح ياعليم
كوارث وجايه ومش منتهيه 
                              عاملها تكيه فاتحها سبيل
يروح الإذاعه يجيب الجماعه تنادي وتهتف
                               وتقول دا رئيسنا دا أحسن رئيس

وأنا قلت لك ..
                                لكن تقول لمين
دا حتي الجراد عامل مليونية
وعدي ع البلاد وبكل سخرية
                                 بيقولك ياواد بتهتف لمين
وتقول دا رئيسنا 
                     دا أحسن رئيس
وأنا قلت لك الراجل دا غشيم