يكتبها : عصام بدر الدين
الطفل اللي جوايا انكسر
الطفل اللي بيبيع صباه .. لِعْبه حياه .. لِعْبه قدر
بيبيع بطاطا الطفل مات .. من غير سبب
كره السكات .. وقال خلاص .. عشق الرصاص
حتي الممات .. الطفل اللي جوايا انكسر
طفل الشوارع .. والحارات .. كره السكات
طفل المدارس العربي .. وكمان اللغات
أقولها وبكل اللغات .. الطفل مات
الطفل اللي جوايا انكسر
الطفل كان نظرة أمل .. لكنه فات
صوته اللي يشفي من العلل .. لكنه مات
الطفل عود يسند أبوه عند المذله في الكبر .. والحلم مات
والفجر لسه بيترسم لكنه مات قبل الصبا .. قبل الشباب .. الطفل جوايا
انكسر
ببراءة يشوفها وشه يبتسم في قلب أم .. في حضن أب
الطفل اللي جوايا انكسر ...... لا لا يمكن ينكسر
قولتها تاني بس في ثواني .. لأ دا انكسر .. اصحي يامصر
ليست هناك تعليقات:
إرسال تعليق