الدلوعه بتفضل طول عمرها دلوعه............................
دي هي الجمله اللي اتعودت بنت بحري انها تسمعها كل يوم الصبح وهي ماشيه حافيه علي صخور شط اسكندريه، وكمان هتلاقي معاكسات تانيه اتعودت برضه عليها زي "بين شطين وميه عشقت بنت اسكندريه" و"اتمخطر ياجميل مين ادك" وغيره وغيره كتير من اللي اتعودت دايماً انها تسمعه كل يوم وهي بتتمشي علي البحر وبتحط رجليها في الميه المالحه ولكن ولا تفرق معاها خالص ، اهم حاجه عندها تنزل كل يوم تتمشي شويه وهي حافيه وتلمس كعوبها الميه اللي بتعشقها وبتقول أنها بتشفي كل حاجه فيها وبترمي فيها همومها وبتشكي للبحر كل مشاكلها ودايما بتلاقي حل ، وبتموت في شم نسيم البحر وياسلام لو كان الصبح بدري اوي طبعاً يكون عندها أحس بكتير.
بنت بحري زيها مش زي كل بنات بحري اللي الدنيا خدتهم وتاهوا في دوامة الشغل والشعبطه في المواصلات والجري علشان يلحقوا مصالحهم_ده لو كان عندهم اصلاً شغل_ فهي مهما عدت وتغيرت الظروف لازم تروح تمشي علي البحر كل يوم وخصوصاً الصبح ولازم تكون حافيه ، هو ده طبعها ، اعتبره انت بقي جنون ، عاده ، أي حاجه أو أي مسمي المهم أنها عاجبها حالها وخلاص.
اللي سموها بنت بحري مش علشان ساكنه في بحري ، لأ ، ده علشان بتحب تتمشي في بحري ، مع أنها ساكنه قريب منه، بس إسم بنت بحري علشان كل يوم بيشوفوها ماشيه علي البحر في بحري فطلع عليها اسم بنت بحري.
بنت بحري فعلاً هتلاقي فيها كل مواصفات بنات بحري اللي شوفناهم في الفيلم العربي "بنات بحري" فهي فعلاً دلوعه بس لنفسها وبس ،يعني لو قرب منها أي حد أو حاول يتكلم معاها هتلاقيها قلبت وحش وبقت بميت راجل ، واثقه من نفسها ودايماً مبتسمه وتحس في وشها بطيبة المصريين والظاهر أنها من كتر شم هوا البحر كل يوم تلاقي خدودها زي القمر وعيونها زي عيون الغزلان وعودها زي غصن البان ، أما مشيتها فهي سبب مشكلتها لأنها بتعشق البحر وأول لما تشوفه مبتقدرش تمنع نفسها انها تجري علي شطه وتخلع شبشبها وتتمشي في دلع علي ميته ، ممكن كده تقول مجنونة البحر ، ده حتي من كتر مابتترد عليه بقي مجموعه من الشباب كل لما يشوفوها بيقولوا عليها جنية البحر الجميله.
بنت بحري مفيش يوم يعدي إلا وتلاقيها علي شط البحر حتي في الأجازات والأعياد والمواسم ، ولا يوم ممكن يعدي إلا لما تشوفها علي البحر ، ده حتي لو مرضت بتقول ان هوي البحر بيخففها ، تعمل أيه بقي مجنونة بحر، البحر بيجري في عروقها بدل الدم.
وعلي غير العاده جه يوم وبنت بحري مظهرتش علي البحر والشباب واقفين مستنين لما تعدي علشان يعكسوها ولم تأتي، ياتري فين بنت بحري ، ده مفيش حاجه تمنعها عن البحر إلا الموت!!! ، يمكن تكون شافت لها شط تاني وسابت الشط ده، مين عارف ايه اللي حصل ، بس يارب يكون خير.
(عين السمكه) ، بتسألوني مالها عين السمكه ، اقولكم أنا ، أخر يوم ظهرت فيه بنت بحري علي البحر حست بوجع في رجلها لما لمست كعوبها الميه المالحه ولما رجعت البيت لقت فيه حاجه غامقه في رجلها وبتوجعها أوي، ولأول مره تلاقي جنية البحر وجع لما بتحط رجلها في الميه ، بس قالت يمكن حاجه دخلت فيها وهتخف لما تروح بكره تتمشي علي البحر كعادتها ، ولكن الوجع زاد واضطرت تروح للدكتور تشوف أيه الحكايه ، وكانت دي أول مره تروح للدكتور من فتره وأول مره دكتور يعالجها مش البحر ، ولكن تعمل أيه الوجع صعب والألم زاد ، وراحت للدكتور وقالها إن دي عين سمكه في رجلك وقالها انها كمان انتشرت في أماكن تانيه لأنها بقالها فتره ، وسألها إن كانت بتحط رجلها في الميه كتير فردت عليه في فخر طبعاً كل يوم ، فحذرها الدكتور من ذلك لأن التعرض للميه بيزود انتشار عين السمكه ، فأحست بحزن ولأول مره تلاقي سبب عشقها هو سبب اصابتها. واضطرت لأن تقاطع عشقها وتبعد لمدة اسبوع هي فترة العلاج وزالت عين السمكه.
وبعد اسبوع رجعت تاني للشط ورجعت تتمشي عليه بس المره دي من غير دلع ومن غير ماتمشي حافيه ولأول مره يشوفها الناس اللي قاعده علي البحر وهي ماشيه بعيد عن الميه شويه ولابسه شبشبها ، وبصراحه كده ده لفت انتباه ست قاعده علي البحر وعارفه بنت بحري كويس ومستغربه وعايزه تعرف أيه اللي غير حالها وراحت تسألها ودار الحوار :
الست : مالك ياحلوه يعني مش شايفاكي نازله البحر حافيه زي كل يوم وماشيه بعيد ؟!!
بنت بحري: والله ياحاجه السمك ابن الحرام مخلاش لبنات الحلال حاجه ، الظاهر من كتر دلعي علي البحر السمك رشق عينه في رجلي وطلعلي عين سمكه .
الست : بصراحه تستاهلي انتي جننتي الشباب مش هتجنني السمك ، كفايه عليه انه شاف الكعوب القهرمان دي ورشق عينه فيها.
بنت بحري : بس انا جيت تاني
الست :بس من غير ماتمشي حافيه لأنك خايفه من عين السمكه.
بصت بنت بحري للست في عصبيه ثم خلعت الشبشب ورمته علي طول إيدها وجرت علي الميه وبلت رجليها في الميه المالحه وقالت للست : وخلي بقي السمك يرشق عينه في رجلي تاني ، ده لو جسر من السمك واقف علي شط البحر هدوس عليه علشان عيون البحر ، دا البحر هو عشقي وجنوني ولا سمك المحيط يقدر منعني من عشقي
ثم جلست علي الرمال المبتله ورسمت الرسمه التقليديه لعاشقين ، قلب يخترقه سهم وكتبت علي احد الطرفين "تغور عيون السمك" وكتبت علي الطرف الثاني "علشان عيون البحر" فجاء الموج وأكل الرسمه وساوي حبات الرمل فقالت لها الست وهي مبتسمه :ده هو حال اللي يحب البحر ، يشتري والبحر يبيع ، يقرب والبحر يبعد ، يحلم والبحر يخطف الأحلام ، يشوف أمال والبحر يبيع الأوهام "
فردت عليها بنت بحري وهي مبتسمه "البحر اشتري عيون السمك وساب عيوني ،بس هفضل كده علي طول بحب هواه واحلامه وامانيه وعايشه علشان تلمس كعوبي ميته المالحه .
فأبتعدت الست وهي تسأل نفسها كم من بنت تعشق البحر رغم المخاطر!!!!
__________كتبها________وفقي فكري_________________
دي هي الجمله اللي اتعودت بنت بحري انها تسمعها كل يوم الصبح وهي ماشيه حافيه علي صخور شط اسكندريه، وكمان هتلاقي معاكسات تانيه اتعودت برضه عليها زي "بين شطين وميه عشقت بنت اسكندريه" و"اتمخطر ياجميل مين ادك" وغيره وغيره كتير من اللي اتعودت دايماً انها تسمعه كل يوم وهي بتتمشي علي البحر وبتحط رجليها في الميه المالحه ولكن ولا تفرق معاها خالص ، اهم حاجه عندها تنزل كل يوم تتمشي شويه وهي حافيه وتلمس كعوبها الميه اللي بتعشقها وبتقول أنها بتشفي كل حاجه فيها وبترمي فيها همومها وبتشكي للبحر كل مشاكلها ودايما بتلاقي حل ، وبتموت في شم نسيم البحر وياسلام لو كان الصبح بدري اوي طبعاً يكون عندها أحس بكتير.
بنت بحري زيها مش زي كل بنات بحري اللي الدنيا خدتهم وتاهوا في دوامة الشغل والشعبطه في المواصلات والجري علشان يلحقوا مصالحهم_ده لو كان عندهم اصلاً شغل_ فهي مهما عدت وتغيرت الظروف لازم تروح تمشي علي البحر كل يوم وخصوصاً الصبح ولازم تكون حافيه ، هو ده طبعها ، اعتبره انت بقي جنون ، عاده ، أي حاجه أو أي مسمي المهم أنها عاجبها حالها وخلاص.
اللي سموها بنت بحري مش علشان ساكنه في بحري ، لأ ، ده علشان بتحب تتمشي في بحري ، مع أنها ساكنه قريب منه، بس إسم بنت بحري علشان كل يوم بيشوفوها ماشيه علي البحر في بحري فطلع عليها اسم بنت بحري.
بنت بحري فعلاً هتلاقي فيها كل مواصفات بنات بحري اللي شوفناهم في الفيلم العربي "بنات بحري" فهي فعلاً دلوعه بس لنفسها وبس ،يعني لو قرب منها أي حد أو حاول يتكلم معاها هتلاقيها قلبت وحش وبقت بميت راجل ، واثقه من نفسها ودايماً مبتسمه وتحس في وشها بطيبة المصريين والظاهر أنها من كتر شم هوا البحر كل يوم تلاقي خدودها زي القمر وعيونها زي عيون الغزلان وعودها زي غصن البان ، أما مشيتها فهي سبب مشكلتها لأنها بتعشق البحر وأول لما تشوفه مبتقدرش تمنع نفسها انها تجري علي شطه وتخلع شبشبها وتتمشي في دلع علي ميته ، ممكن كده تقول مجنونة البحر ، ده حتي من كتر مابتترد عليه بقي مجموعه من الشباب كل لما يشوفوها بيقولوا عليها جنية البحر الجميله.
بنت بحري مفيش يوم يعدي إلا وتلاقيها علي شط البحر حتي في الأجازات والأعياد والمواسم ، ولا يوم ممكن يعدي إلا لما تشوفها علي البحر ، ده حتي لو مرضت بتقول ان هوي البحر بيخففها ، تعمل أيه بقي مجنونة بحر، البحر بيجري في عروقها بدل الدم.
وعلي غير العاده جه يوم وبنت بحري مظهرتش علي البحر والشباب واقفين مستنين لما تعدي علشان يعكسوها ولم تأتي، ياتري فين بنت بحري ، ده مفيش حاجه تمنعها عن البحر إلا الموت!!! ، يمكن تكون شافت لها شط تاني وسابت الشط ده، مين عارف ايه اللي حصل ، بس يارب يكون خير.
(عين السمكه) ، بتسألوني مالها عين السمكه ، اقولكم أنا ، أخر يوم ظهرت فيه بنت بحري علي البحر حست بوجع في رجلها لما لمست كعوبها الميه المالحه ولما رجعت البيت لقت فيه حاجه غامقه في رجلها وبتوجعها أوي، ولأول مره تلاقي جنية البحر وجع لما بتحط رجلها في الميه ، بس قالت يمكن حاجه دخلت فيها وهتخف لما تروح بكره تتمشي علي البحر كعادتها ، ولكن الوجع زاد واضطرت تروح للدكتور تشوف أيه الحكايه ، وكانت دي أول مره تروح للدكتور من فتره وأول مره دكتور يعالجها مش البحر ، ولكن تعمل أيه الوجع صعب والألم زاد ، وراحت للدكتور وقالها إن دي عين سمكه في رجلك وقالها انها كمان انتشرت في أماكن تانيه لأنها بقالها فتره ، وسألها إن كانت بتحط رجلها في الميه كتير فردت عليه في فخر طبعاً كل يوم ، فحذرها الدكتور من ذلك لأن التعرض للميه بيزود انتشار عين السمكه ، فأحست بحزن ولأول مره تلاقي سبب عشقها هو سبب اصابتها. واضطرت لأن تقاطع عشقها وتبعد لمدة اسبوع هي فترة العلاج وزالت عين السمكه.
وبعد اسبوع رجعت تاني للشط ورجعت تتمشي عليه بس المره دي من غير دلع ومن غير ماتمشي حافيه ولأول مره يشوفها الناس اللي قاعده علي البحر وهي ماشيه بعيد عن الميه شويه ولابسه شبشبها ، وبصراحه كده ده لفت انتباه ست قاعده علي البحر وعارفه بنت بحري كويس ومستغربه وعايزه تعرف أيه اللي غير حالها وراحت تسألها ودار الحوار :
الست : مالك ياحلوه يعني مش شايفاكي نازله البحر حافيه زي كل يوم وماشيه بعيد ؟!!
بنت بحري: والله ياحاجه السمك ابن الحرام مخلاش لبنات الحلال حاجه ، الظاهر من كتر دلعي علي البحر السمك رشق عينه في رجلي وطلعلي عين سمكه .
الست : بصراحه تستاهلي انتي جننتي الشباب مش هتجنني السمك ، كفايه عليه انه شاف الكعوب القهرمان دي ورشق عينه فيها.
بنت بحري : بس انا جيت تاني
الست :بس من غير ماتمشي حافيه لأنك خايفه من عين السمكه.
بصت بنت بحري للست في عصبيه ثم خلعت الشبشب ورمته علي طول إيدها وجرت علي الميه وبلت رجليها في الميه المالحه وقالت للست : وخلي بقي السمك يرشق عينه في رجلي تاني ، ده لو جسر من السمك واقف علي شط البحر هدوس عليه علشان عيون البحر ، دا البحر هو عشقي وجنوني ولا سمك المحيط يقدر منعني من عشقي
ثم جلست علي الرمال المبتله ورسمت الرسمه التقليديه لعاشقين ، قلب يخترقه سهم وكتبت علي احد الطرفين "تغور عيون السمك" وكتبت علي الطرف الثاني "علشان عيون البحر" فجاء الموج وأكل الرسمه وساوي حبات الرمل فقالت لها الست وهي مبتسمه :ده هو حال اللي يحب البحر ، يشتري والبحر يبيع ، يقرب والبحر يبعد ، يحلم والبحر يخطف الأحلام ، يشوف أمال والبحر يبيع الأوهام "
فردت عليها بنت بحري وهي مبتسمه "البحر اشتري عيون السمك وساب عيوني ،بس هفضل كده علي طول بحب هواه واحلامه وامانيه وعايشه علشان تلمس كعوبي ميته المالحه .
فأبتعدت الست وهي تسأل نفسها كم من بنت تعشق البحر رغم المخاطر!!!!
__________كتبها________وفقي فكري_________________
ليست هناك تعليقات:
إرسال تعليق