بما أننا داخلين على الإنتخابات البرلمانية
فأكيد الإخوة المرشحين لازم يستفيدوا من موضوع إنقطاع الكهربا ده في الدعاية ليهم
واللي منهم مش هيخرج بفكرة من الموضوع ده يبقى ولا مؤاخذة القعدة في الضلمة أرحمله
من إنه يمثل الشعب في البرلمان ، أنا شايف إن كل مرشح يضيف بند في برنامجه
الإنتخابي عبارة عن توفير مولد كهرباء لكل مواطن أو عمل طاحونة هواء لتوليدها من
الرياح فوق سطح بيت البني آدمين أو توفير مساحة مناسبة من الخلايا الشمسية ، أي
أوبشن يعني من دول يشوفه المرشح مناسب حسب منطقته ، والأخ المرشح اللي هينزل في دايرة
عشوائية وبتاعة غلابة يقولهم هجيبلوكم سخانات شمسية ويروح يشتري من عند بتاع
الروبابكيا لوط سخانات قديمة ويدهنها بلاك إسود من بره ويركبهم فوق بيوت العشش
وطبعاً مش هنسى أفكر الإخوه المرشحين اللي عن دايرة مصر الجديدة والمعادي
والمهندسين والزمالك وجاردن سيتي لازم يقولوا إنهم هيركبوا فلتر معطر للجو برائحة
زهور الربيع على شكامانات مولدات الكهربا اللي هتتوزع للمواطنين علشان الناس دول
بيضايقوا من الريحة اوووووي وربنا يخللينا وزارة الكهربا بتساهم معانا برضه في
الإنتخابات البرلمانية .
#افتكاسات_كهربائية
وفقي فكري
ليست هناك تعليقات:
إرسال تعليق