يكتبها : عصام بدر الدين
خلي بالك من أخوك
خلي بالك من أخوك
خلّي بالك من نفسك يا أمي .... خلّي بالك علي
روحك ياولدي
انتبهي يامّا لصحتك وخدي الدوا .... دواي يابني
والنبي نفضل سوا
شايفه اللي حصل للبلد .... شايفه وخايفه ع
الصبيه والولد
حصل زمان حاجات زي كدا .... والله يا بني إن كان
حصل ما متأكدة
أنا بس قهرانة ومتنكدة .... ألف سللامة عليكي
صابرة وموحدة
أوعي في صلاتك يامؤمنة وموحده .... ينصر بلدنا
ونتفق ونكيد الدا
دي بلدنا يابني مش أرض وهوا .... فيها ناس طيبة
ومسامحه وارزاق متقسمة
خلي بالك من نفسك يا أمي .... خلي بالك علي بلدك
ياولدي
أوعاك ياواد متأخدش بالك من أخوك .... دواي
يابني والنبي تفضلوا سوا
وانتو في عينيّا الاتنين
أغلي دوا .... روحنا فداكي يا أمي ياروح الهوي
انتبهي يامّا لروحك وخدي
الدوا .... تسلملي يابني ياضناي م الجوي
خلي بالك من أخوك ....
دواي يابني والنبي نفضل سوا
_______________________________________
إلحق اشعبط
رحلة الأتوبيس يومياً
.... هي رحلة العذاب
هي زحمة ومش منهية ....
وإلحق اتشعبط ع الباب
وتقول يا أخ خش جوه ....
مش هتخلص م السباب
ياعم خليك في حالك ....
لنخلّي عيشتك هباب
رحلة الأتوبيس
يومياً .... هي رحلة العذاب
سوا صبح أو مساء ....
الذهاب زي الأياب
إمتي نخلص م العذاب ....
إمتي نخلص م الهباب
مش طريقة ياخلق لازم ....
نشوف حل للمرور
العيشة مش ناقصة خنقة
.... راح فين الهنا والسرور
زحمة زحمة في كل حاجة
.... كله واقف في الطابور
سوا صبح أو مساء .... هي
رحلة العذاب
هي زحمة مش منتهية ....
إلحق اتشعبط في باب
رحلة الأتوبيس يومياً
.... هي رحلة العذاب
____________________________
اتكلم من قلبك
إتكلم من قلبك .... حتي
لو قلبك موجوع
من خوفك علي وطنك ....
إحساس جوه الروح مزروع
الخوف انتشر الرعب يدق في
صدر البشر .... والصوت ممنوع
نظرة حزن وشعور بالأسي
.... علي شمس بلدنا المخنوقة
والروح بتروح لنسيم ....
في الخضره المزروعة
ونسايم طل في ربيع للكل
.... ورايتنا هتفضل مرفوعة
والصوت ممنوع والخوف
انتشر في صدور البشر .... علي شمس المخنوقة
اصحي يابلدنا بإيد ولادنا
.... كلمتنا حتفضل مسموعة
واتكلم من قلبك .... حتي لو قلبك موجوع
مستقبل جي والله جي ....
علي ماضي مالوش رجوع
احساس جوه الروح مزروع
نور الحرية يفك الأسر
يعلي الصوت .... ويرد الحق ويرش الخير في كل الربوع
ليست هناك تعليقات:
إرسال تعليق