الأستاذ.. صباح الخير
الطلبه..صباح الخير ياأستاذ
الأستاذ..كل واحد فيكوا يطلع كشكول الواجب ويفتح الصفحه علي واجب إمبارح عايز أشوف عملتوا فيه أيه؟؟
يحدث ضجيج داخل الفصل بسبب حركة كل الطلبه في وقت واحد وإخراج كشاكيل الواجب من الشنط وتقريباً غالبية الفصل منحني ليخرج المطلوب، الأستاذ يقف علي قدم ويريح الأخري يعني نص وقفه ثم يصرخ في الجميع "إخلصوا خلصت روحكوا".
جميع الطلبه تحاول الإنتهاء من إخراج الكشاكيل بسرعه ثم بعد لحظات يهدأ الجميع وكل طالب امامه كشكول الواجب، الهدوء يعود مره أخري إلي الفصل إلا من صفير وشخيير يأتي من أخر دكه بالفصل يتحرك الأستاذ علي طراطيف أصابعه ويقترب من الدكه الصادر منها الصوت ويري الطالب عبدالتواب وقد أستغرق في النوم من الحصه الأولي ويضرب المدرس بعصاه علي مقدمة الدكه فجأه وينتفض عبدالتواب واقفاً من الخضه وهو يفرك عينه بيده وينتفض معه أجساد جميع الطلبه .....
الأستاذ..دي مدرسه ثانوي ولا حضانه ؟؟(وجه المدرس ممتلئ بالغضب)
الطالب..معلش والله ياأستاذ أصل أنا بقالي يومين مبنامش علشان بذاكر ليل نهار
الأستاذ.. والله طب دي حاجه كويسه خالص.. ياولاد زميلوا عبدالتواب من المتفوقين وبيذاكر ليل نهار وياريت كلكم تبقوا زيه (يظهر علي ملامح المدرس الإستهزاء بعبدالتواب).
الاستاذ.. طب علي كده عملت واجب إمبارح ده أكيد خلصته في سهرتك ليلة أمبارح.. ورينا بقي ياعبدالتواب ووري زمايلك إنت عملت أيه.
عبدالتواب..بصراحه الوقت ليلة امبارح مكنش مكفي علشان الواجب وملحقتش اعمله يا أستاذ (وجه عبدالتواب ممتلئ بالنوم ولا يبالي بأي خوف من المدرس وينظر إلي لاشئ وهو يتثاءب).
الأستاذ..يعني ايه معملتش الواجب ياخويا مش الواجب ده برده مذاكره ولا لعب عيال؟؟( يستدير المدرس في حركه مفاجأه ويوجه كلامه إلي كل طلبة الفصل).. الواجب ده مذاكره ولا مش مذاكره؟.
الطلبه لايحركون ساكناً وكأنهم ماتوا.. (ماتوا من الرعب)
الأستاذ في عصبيه...ماتردوا ردت الميه من زوركوا.. الواجب مذاكره ولا مش مذاكره؟.
كل الطلبه يردون في صوت واحد ومرتفع ...واجب يا أستاذ.
يوجه الأستاذ حديثه مره ثانيه إلي عبدالتواب في استهزاء ووجهه ممتلئ بالغضب.. آمال ايه بقي ياسي عبدالتواب معملتش الواجب ليه؟
عبدالتواب لايظهر عليه أي ملامح للخوف من الأستاذ رغم عصبيته وهيبته لأن النوم يجعله لايبالي فعيناه مقفله ويادوبك صالب طوله بالعافيه ويرد بلسان تقيل ويقول.. والله والله ياأستاذ أنا كنت طول الليل بذاكر في مادتك وسهران بركز علشان اتفوق فيها.
الأستاذ يغادر دكة عبدالتواب وهو يقول ..طب كويس والله ياولاد زميلكم عبدالتواب كان سهران طول الليل بيذاكر في مادتي علشان يكون متفوق فيها(ثم يستدير الأستاذ ويسأل عبدالتواب)..طب قولي ياعبدالتواب تعرف أيه عن محمد علي ومجهوداته في مصر؟
عبدالتواب يبتسم وكله ثقه بمعرفته بالإجابه علي الرغم من ظهور ملامح الإستغراب علي وجهه ويقول في سرعه.. ياأستاذ محمد علي مرحش مصر ده نزل اسكندريه علشان يصيف ولما لقي البحر زحمه تعب نفسه شويه وركب ميكروباص وراح اقعد تحت كوبري استانلي علشان الجو هناك عال العال..هو صحيح عمل مجهود في اسكندريه علشان يوصل كوبري استانلي أصله مش منها بس مش لدرجة إن حضرتك تعرف كده... وبعدين مين اللي قالك ياأستاذ علي موضوع محمد علي ده ،ده الموضوع كان في السكرته خالص.
الأستاذ يقترب من عبدالتواب وكل طلبة الفصل في هدوء تام ويسأله وهو يقترب من أذنه وكأنه يوشوشه ويسأله.. وبصراحه كده ياعبدالتواب انت كنت معاه في اسكندريه امبارح تحت كوبري استانلي ولا ده كان مجهود عليك برضه؟؟.
يرد عليه في تردد وقد استفاق من النوم ويقول..والله والله ياأستاذ هو قالي هنروح وهنرجع علي طول والقعده خادتنا ورجعنا في نص الليل .
ويسأل عبدالتواب الأستاذ في استغراب ودهشه ..هو حضرتك عرفت منين بموضوع محمد علي ده ومين اللي قالك عليه ياأستاذ؟
فيرد عليه الأستاذ في تهكم..انت يافالح.
ويرجع الأستاذ إلي مقدمة الفصل أمام السبوره ويوجه كلامه إلي الطلبه وهويقول في استهزاء.. زميلكم عبدالتواب قالي كنت طول الليل سهران بذاكر ولما سألته عن محمد علي منشئ نهضة مصر الحديثه وعن مجهوداته في مصر رد عليا باللي انتوا سمعتوه..زميلكم عبدالتواب كان بيذاكر تاريخ تحت كوبري استانلي في اسكندريه لحد نص الليل ..ياحلاوه.
ثم يسكت الأستاذ لحظه وبعدها يسأل الطلبه أيه رايكم اعمل ايه في عبدالتواب؟
الفصل يملؤه الهدوء لا أحد يستطيع الرد علي الأستاذ، ويرد الأستاذ علي نفسه أنا اقولكم .
اوم ياد يامتولي انت ومحفوظ فزواهاتوا عبدالتواب هنا(يقوم متولي ذو الجسم الممتلئ ومحفوط ابو عضلات ليحضروا عبدالتواب)
ولا اراكم الله مكروهاً في عزيز عليكم فالواد متولي واد غشيم مووووت وأغبي حاجه فيه انه مبيفهمش زي عبدالتواب وبيسموه في الفصل بتاعه المشرحه علشان لما بيدخل في موضوع لازم يحصل فيه مصيبه ودايماً اللي بيدخل معاه في موضوع بيصيبه تعويره أو جرح كبير ولازم لازم يغيب عن الفصل والمدرسه كلها كام يوم علشان يخف من اللي صابه أما محفوظ فهو واد نبيه وذكي وبيفهم كل اللي بيتقاله وعلشان كده الأستاذ بتاعه بيحبه ودايماً بيستعين بيه علشان بينفذ كل اللي بيقله عليه ومحفوظ مساعده علي كده أنه بيلعب جيم في صاله ألعاب رياضيه ودي هوايته الوحيده أنه يربي في عضلاته علشان نفسه يطلع بطل كمال أجسام وأجارك الله لو مسك زميل من زمايله مش بيعرف يفلفس من تحت أيده.
قام متولي ومحفوظ وراحوا يجيبوا عبد التواب من أخر الفصل وعبدالتواب قلبه وقف لما لقي الإتنين داخلين عليه وفتح بقه وعينيه اتفتحت علي أخرها وزي مابيقولوا هنج ووقف من غير ولا حركه اصله عارف يعني أيه متولي ومحفوظ.
في اليوم ده كان يوم اسود علي عبدالتواب لأن الأستاذ هراه ضرب علي رجليه وطبعاً كالعاده عبدالتواب طالما متولي ومحفوظ مسكوه لازم ياخد أجازه مرضيه (مش أنا قلتلكم أن متولي اللي يسمكه لازم يتعور) .
عبدالتواب فعلا أخد اجازه وغاب عن فصله وحصة التاريخ بتاعة الأستاذ وقعد في البيت لمدة يومين بالتمام والكمال.
وفجأه والأستاذ بيشرح وبيعيد وبيزيد للطلبه في مجهودات محمد علي في مصر ودوره في نهضة مصر الحديثه، فجأه اتفتح الباب ودخل والد عبدالتواب وهو جارر ابنه من قفاه ودخله الفصل في عصبيه شديده (طبعاً الأستاذ توقع ان ابوه جاي غاضب من اللي اتعمل في ابنه وخلاه يغيب عن الفصل يومين وطبعاً مستني بوكس في وشه او شلوت من ابوه).
الإب يتجه مسرعاً إلي الأستاذ والأستاذ قلبه يدق من الرعب وعيناه تجمدت والتوتر واضح علي وجهه ،وفي هذه اللحظه ولأول مره يندم الأستاذ علي ضربه لعبدالتواب وبيقول لنفسه (وأنا مالي يعرف محمد علي ولا ميعرفوش ولا يذاكر أو ميذكرش إن شاالله عنه ماذاكر، ماهو برضه ميصحش أني اعمل في عبدالتواب كده انا ضربته بغباء ).
والد عبدالتواب يصل إلي الأستاذ ويمسك بيده بحده فيتوقع الأستاذ أنه هيكسرها علشان متضربش ابنه تاني ولكن المفاجأه أن الأب يمسك يد الأستاذ ويقبلها والاستاذ مستغرب جداً، ويصرخ الأب ويترجي الأستاذ أن ينقذه من غباء ابنه عبدالتواب وهو يصرخ ويقول يا أستاذ ارجوك ريحني منه الواد ده جنني ،ويتحول وجه الأستاذ من الخوف إلي الراحه وتبدوا علي ملامحه الثقه وتنقشع كل ملامح الدهشه والذهول وتعود له قوته وملامحه الحاده القويه ويرد علي الأب ويقول..... ماله عمل أيه زفت الطين ده تاني ويجذب عبد التواب من ملابسه ويلقي به علي الأرض وعبدالتواب لا حول له ولا قوه ويرد عليه الأب الواد كل يوم يسألني عن محمد علي واشرحله ويجي تاني يوم يسألني تاني مين محمد علي وعمل أيه في مصر وغلبت اقوله ياأبني محمد علي مرحش مصر ده راح اسكندريه وانت كنت معاه ويرد عليا ويقول ماشي وتاني يوم يرجع يسألني نفس السؤال ومصصم ان دي مش اسكندريه دي كانت مصر ويوجه الأب سؤاله إلي الأستاذ طب بذمتك ياأستاذ فيه كوبري استانلي في مصر؟
والمدرس يقف مذهول ولأول مره يكتشف أن الغباء الموجود عند عبدالتواب وراثي ويمتلئ وجه الأستاذ بالغيظ والغضب ويصرخ في الفصل ويقول ..... متولي.......محفوظ تعالوا.
وفي هذه اللحظه يضحك عبدالتواب ويقول لأبوه مش قلتلك يابابا دي مش اسكندريه، قابل بقي متولي ومحفوظ
وهكذا يمر العام الدراسي علي عبدالتواب وكل يوم والتاني الأستاذ يكرر نفس الموقف مع عبدالتواب والبعيد غبي منه فيه مفيش فايده لحد ما انتهي العام الدراسي وجه يوم امتحان التاريخ ونظر عبدالتواب في ورقة الأسئله وقرأ الأتي:
السؤال الأول:(اجباري)
تكلم عن دور محمد علي في مصر؟
ويبتسم عبدالتواب ويقول ... أيه السؤال السهل ده ، دا أحنا طول السنه بنعيد ونزيد فيه وبرضه مفيش فايده اللي حط الاسئله غبي هو كمان.
ثم يكتب عبد التواب في ورقة الإجابه جمله واحده فقط
(محمد علي مرحش مصر ده راح اسكندريه يا غبي)
ثم يسلم ورقة الإجابه ويخرج فرحان ويقابله استاذ التاريخ ويسأله .... هيه عملت أيه ياعبدالتواب فيرد عليه ويقول طبعاً يا أستاذ تليمذك مش غبي الإمتحان كان سهل اوووي يا أستاذ وجه سؤال محمد علي اللي بنعيد فيه ونزيد طول السنه فرد عليه الأستاذ في فرح وسرعه... هيه وكتبت أيه فيردعليه عبدالتواب في ثقه طبعاً كتبتله إن محمد علي مرحش مصر ده كان في اسكندريه ويسرع عبد التواب في طرح سؤال استفهامي علي الأستاذ ويقوله في استغراب .....أستاذ هما الناس اللي حطوا الإمتحان عرفوا الواد محمد علي منين؟.
وفجأه تصيب الأستاذ هستيريا ضحك غريبه ثم يتوقف لحظه ويبكي ثم يرجع فيضحك ومره واحده يصرخ وينادي ..........
متولــــــــــــــــــــــــــــــــــــــــــي ...................محفــــــــــــــــــــــــــــــــــــــــــوظ
وفقي فكري
الطلبه..صباح الخير ياأستاذ
الأستاذ..كل واحد فيكوا يطلع كشكول الواجب ويفتح الصفحه علي واجب إمبارح عايز أشوف عملتوا فيه أيه؟؟
يحدث ضجيج داخل الفصل بسبب حركة كل الطلبه في وقت واحد وإخراج كشاكيل الواجب من الشنط وتقريباً غالبية الفصل منحني ليخرج المطلوب، الأستاذ يقف علي قدم ويريح الأخري يعني نص وقفه ثم يصرخ في الجميع "إخلصوا خلصت روحكوا".
جميع الطلبه تحاول الإنتهاء من إخراج الكشاكيل بسرعه ثم بعد لحظات يهدأ الجميع وكل طالب امامه كشكول الواجب، الهدوء يعود مره أخري إلي الفصل إلا من صفير وشخيير يأتي من أخر دكه بالفصل يتحرك الأستاذ علي طراطيف أصابعه ويقترب من الدكه الصادر منها الصوت ويري الطالب عبدالتواب وقد أستغرق في النوم من الحصه الأولي ويضرب المدرس بعصاه علي مقدمة الدكه فجأه وينتفض عبدالتواب واقفاً من الخضه وهو يفرك عينه بيده وينتفض معه أجساد جميع الطلبه .....
الأستاذ..دي مدرسه ثانوي ولا حضانه ؟؟(وجه المدرس ممتلئ بالغضب)
الطالب..معلش والله ياأستاذ أصل أنا بقالي يومين مبنامش علشان بذاكر ليل نهار
الأستاذ.. والله طب دي حاجه كويسه خالص.. ياولاد زميلوا عبدالتواب من المتفوقين وبيذاكر ليل نهار وياريت كلكم تبقوا زيه (يظهر علي ملامح المدرس الإستهزاء بعبدالتواب).
الاستاذ.. طب علي كده عملت واجب إمبارح ده أكيد خلصته في سهرتك ليلة أمبارح.. ورينا بقي ياعبدالتواب ووري زمايلك إنت عملت أيه.
عبدالتواب..بصراحه الوقت ليلة امبارح مكنش مكفي علشان الواجب وملحقتش اعمله يا أستاذ (وجه عبدالتواب ممتلئ بالنوم ولا يبالي بأي خوف من المدرس وينظر إلي لاشئ وهو يتثاءب).
الأستاذ..يعني ايه معملتش الواجب ياخويا مش الواجب ده برده مذاكره ولا لعب عيال؟؟( يستدير المدرس في حركه مفاجأه ويوجه كلامه إلي كل طلبة الفصل).. الواجب ده مذاكره ولا مش مذاكره؟.
الطلبه لايحركون ساكناً وكأنهم ماتوا.. (ماتوا من الرعب)
الأستاذ في عصبيه...ماتردوا ردت الميه من زوركوا.. الواجب مذاكره ولا مش مذاكره؟.
كل الطلبه يردون في صوت واحد ومرتفع ...واجب يا أستاذ.
يوجه الأستاذ حديثه مره ثانيه إلي عبدالتواب في استهزاء ووجهه ممتلئ بالغضب.. آمال ايه بقي ياسي عبدالتواب معملتش الواجب ليه؟
عبدالتواب لايظهر عليه أي ملامح للخوف من الأستاذ رغم عصبيته وهيبته لأن النوم يجعله لايبالي فعيناه مقفله ويادوبك صالب طوله بالعافيه ويرد بلسان تقيل ويقول.. والله والله ياأستاذ أنا كنت طول الليل بذاكر في مادتك وسهران بركز علشان اتفوق فيها.
الأستاذ يغادر دكة عبدالتواب وهو يقول ..طب كويس والله ياولاد زميلكم عبدالتواب كان سهران طول الليل بيذاكر في مادتي علشان يكون متفوق فيها(ثم يستدير الأستاذ ويسأل عبدالتواب)..طب قولي ياعبدالتواب تعرف أيه عن محمد علي ومجهوداته في مصر؟
عبدالتواب يبتسم وكله ثقه بمعرفته بالإجابه علي الرغم من ظهور ملامح الإستغراب علي وجهه ويقول في سرعه.. ياأستاذ محمد علي مرحش مصر ده نزل اسكندريه علشان يصيف ولما لقي البحر زحمه تعب نفسه شويه وركب ميكروباص وراح اقعد تحت كوبري استانلي علشان الجو هناك عال العال..هو صحيح عمل مجهود في اسكندريه علشان يوصل كوبري استانلي أصله مش منها بس مش لدرجة إن حضرتك تعرف كده... وبعدين مين اللي قالك ياأستاذ علي موضوع محمد علي ده ،ده الموضوع كان في السكرته خالص.
الأستاذ يقترب من عبدالتواب وكل طلبة الفصل في هدوء تام ويسأله وهو يقترب من أذنه وكأنه يوشوشه ويسأله.. وبصراحه كده ياعبدالتواب انت كنت معاه في اسكندريه امبارح تحت كوبري استانلي ولا ده كان مجهود عليك برضه؟؟.
يرد عليه في تردد وقد استفاق من النوم ويقول..والله والله ياأستاذ هو قالي هنروح وهنرجع علي طول والقعده خادتنا ورجعنا في نص الليل .
ويسأل عبدالتواب الأستاذ في استغراب ودهشه ..هو حضرتك عرفت منين بموضوع محمد علي ده ومين اللي قالك عليه ياأستاذ؟
فيرد عليه الأستاذ في تهكم..انت يافالح.
ويرجع الأستاذ إلي مقدمة الفصل أمام السبوره ويوجه كلامه إلي الطلبه وهويقول في استهزاء.. زميلكم عبدالتواب قالي كنت طول الليل سهران بذاكر ولما سألته عن محمد علي منشئ نهضة مصر الحديثه وعن مجهوداته في مصر رد عليا باللي انتوا سمعتوه..زميلكم عبدالتواب كان بيذاكر تاريخ تحت كوبري استانلي في اسكندريه لحد نص الليل ..ياحلاوه.
ثم يسكت الأستاذ لحظه وبعدها يسأل الطلبه أيه رايكم اعمل ايه في عبدالتواب؟
الفصل يملؤه الهدوء لا أحد يستطيع الرد علي الأستاذ، ويرد الأستاذ علي نفسه أنا اقولكم .
اوم ياد يامتولي انت ومحفوظ فزواهاتوا عبدالتواب هنا(يقوم متولي ذو الجسم الممتلئ ومحفوط ابو عضلات ليحضروا عبدالتواب)
ولا اراكم الله مكروهاً في عزيز عليكم فالواد متولي واد غشيم مووووت وأغبي حاجه فيه انه مبيفهمش زي عبدالتواب وبيسموه في الفصل بتاعه المشرحه علشان لما بيدخل في موضوع لازم يحصل فيه مصيبه ودايماً اللي بيدخل معاه في موضوع بيصيبه تعويره أو جرح كبير ولازم لازم يغيب عن الفصل والمدرسه كلها كام يوم علشان يخف من اللي صابه أما محفوظ فهو واد نبيه وذكي وبيفهم كل اللي بيتقاله وعلشان كده الأستاذ بتاعه بيحبه ودايماً بيستعين بيه علشان بينفذ كل اللي بيقله عليه ومحفوظ مساعده علي كده أنه بيلعب جيم في صاله ألعاب رياضيه ودي هوايته الوحيده أنه يربي في عضلاته علشان نفسه يطلع بطل كمال أجسام وأجارك الله لو مسك زميل من زمايله مش بيعرف يفلفس من تحت أيده.
قام متولي ومحفوظ وراحوا يجيبوا عبد التواب من أخر الفصل وعبدالتواب قلبه وقف لما لقي الإتنين داخلين عليه وفتح بقه وعينيه اتفتحت علي أخرها وزي مابيقولوا هنج ووقف من غير ولا حركه اصله عارف يعني أيه متولي ومحفوظ.
في اليوم ده كان يوم اسود علي عبدالتواب لأن الأستاذ هراه ضرب علي رجليه وطبعاً كالعاده عبدالتواب طالما متولي ومحفوظ مسكوه لازم ياخد أجازه مرضيه (مش أنا قلتلكم أن متولي اللي يسمكه لازم يتعور) .
عبدالتواب فعلا أخد اجازه وغاب عن فصله وحصة التاريخ بتاعة الأستاذ وقعد في البيت لمدة يومين بالتمام والكمال.
وفجأه والأستاذ بيشرح وبيعيد وبيزيد للطلبه في مجهودات محمد علي في مصر ودوره في نهضة مصر الحديثه، فجأه اتفتح الباب ودخل والد عبدالتواب وهو جارر ابنه من قفاه ودخله الفصل في عصبيه شديده (طبعاً الأستاذ توقع ان ابوه جاي غاضب من اللي اتعمل في ابنه وخلاه يغيب عن الفصل يومين وطبعاً مستني بوكس في وشه او شلوت من ابوه).
الإب يتجه مسرعاً إلي الأستاذ والأستاذ قلبه يدق من الرعب وعيناه تجمدت والتوتر واضح علي وجهه ،وفي هذه اللحظه ولأول مره يندم الأستاذ علي ضربه لعبدالتواب وبيقول لنفسه (وأنا مالي يعرف محمد علي ولا ميعرفوش ولا يذاكر أو ميذكرش إن شاالله عنه ماذاكر، ماهو برضه ميصحش أني اعمل في عبدالتواب كده انا ضربته بغباء ).
والد عبدالتواب يصل إلي الأستاذ ويمسك بيده بحده فيتوقع الأستاذ أنه هيكسرها علشان متضربش ابنه تاني ولكن المفاجأه أن الأب يمسك يد الأستاذ ويقبلها والاستاذ مستغرب جداً، ويصرخ الأب ويترجي الأستاذ أن ينقذه من غباء ابنه عبدالتواب وهو يصرخ ويقول يا أستاذ ارجوك ريحني منه الواد ده جنني ،ويتحول وجه الأستاذ من الخوف إلي الراحه وتبدوا علي ملامحه الثقه وتنقشع كل ملامح الدهشه والذهول وتعود له قوته وملامحه الحاده القويه ويرد علي الأب ويقول..... ماله عمل أيه زفت الطين ده تاني ويجذب عبد التواب من ملابسه ويلقي به علي الأرض وعبدالتواب لا حول له ولا قوه ويرد عليه الأب الواد كل يوم يسألني عن محمد علي واشرحله ويجي تاني يوم يسألني تاني مين محمد علي وعمل أيه في مصر وغلبت اقوله ياأبني محمد علي مرحش مصر ده راح اسكندريه وانت كنت معاه ويرد عليا ويقول ماشي وتاني يوم يرجع يسألني نفس السؤال ومصصم ان دي مش اسكندريه دي كانت مصر ويوجه الأب سؤاله إلي الأستاذ طب بذمتك ياأستاذ فيه كوبري استانلي في مصر؟
والمدرس يقف مذهول ولأول مره يكتشف أن الغباء الموجود عند عبدالتواب وراثي ويمتلئ وجه الأستاذ بالغيظ والغضب ويصرخ في الفصل ويقول ..... متولي.......محفوظ تعالوا.
وفي هذه اللحظه يضحك عبدالتواب ويقول لأبوه مش قلتلك يابابا دي مش اسكندريه، قابل بقي متولي ومحفوظ
وهكذا يمر العام الدراسي علي عبدالتواب وكل يوم والتاني الأستاذ يكرر نفس الموقف مع عبدالتواب والبعيد غبي منه فيه مفيش فايده لحد ما انتهي العام الدراسي وجه يوم امتحان التاريخ ونظر عبدالتواب في ورقة الأسئله وقرأ الأتي:
السؤال الأول:(اجباري)
تكلم عن دور محمد علي في مصر؟
ويبتسم عبدالتواب ويقول ... أيه السؤال السهل ده ، دا أحنا طول السنه بنعيد ونزيد فيه وبرضه مفيش فايده اللي حط الاسئله غبي هو كمان.
ثم يكتب عبد التواب في ورقة الإجابه جمله واحده فقط
(محمد علي مرحش مصر ده راح اسكندريه يا غبي)
ثم يسلم ورقة الإجابه ويخرج فرحان ويقابله استاذ التاريخ ويسأله .... هيه عملت أيه ياعبدالتواب فيرد عليه ويقول طبعاً يا أستاذ تليمذك مش غبي الإمتحان كان سهل اوووي يا أستاذ وجه سؤال محمد علي اللي بنعيد فيه ونزيد طول السنه فرد عليه الأستاذ في فرح وسرعه... هيه وكتبت أيه فيردعليه عبدالتواب في ثقه طبعاً كتبتله إن محمد علي مرحش مصر ده كان في اسكندريه ويسرع عبد التواب في طرح سؤال استفهامي علي الأستاذ ويقوله في استغراب .....أستاذ هما الناس اللي حطوا الإمتحان عرفوا الواد محمد علي منين؟.
وفجأه تصيب الأستاذ هستيريا ضحك غريبه ثم يتوقف لحظه ويبكي ثم يرجع فيضحك ومره واحده يصرخ وينادي ..........
متولــــــــــــــــــــــــــــــــــــــــــي ...................محفــــــــــــــــــــــــــــــــــــــــــوظ
وفقي فكري
ليست هناك تعليقات:
إرسال تعليق