شعر : عصام بدر الدين
مليـــون أيــــد وأيــــد بتتقابـــل ...
فى أيــد بتتقابــل سـلام ... وأيــد
بتتباعــد خصـام
فى أيــد مـن غـير وريــد أتمـدت ومش من حقـها
إتمــدت ......
تــزرع فساد وتحصـد آســى
رفعـت حجـاب العـفــة وبان فجــرها
وفى أيد من غير وريد مليانة قسوه وجفا
بتجمع اللى يقابلها ودايسه ع الجراح .... ميهماش غير نفسها
وفى أيد بصوت الحق ضمت جرحها .. نفضت غبار الهم اللى مالى
صدرها
وداست عـلى الأشـواك وبلعـت حزنـها
وأتغلبت على رعشة الخوف اللى ملكت قلبها
بتدور فين حقها ... أصله أتنسى ... وضاع مع
الأيام صبح ومسا
مش عارفـه إن الطريـق آخـره نصـرهـا
بأيـد الواحـد الأحـد حتما هيجبـر كسرها....
حتما هيجبـر كسرها
ليست هناك تعليقات:
إرسال تعليق